Për shkak të kontrolleve të policisë, ditën e sotme janë krijuar radhë të gjata të makinave në autostradën Tiranë-Elbasan.
Lidhur më këtë situatë ka reaguar ish-deputeti i PD, Luçiano Boçi. Përmes një postimi në rrjetet sociale, Boçi thotë se policia ka bllokuar përsëri rrethrrotullimi i Bradasheshit, Elbasan në drejtim të Tiranës.
Sipas ish-deputetit, ky bllokim është bërë me urdhër nga qeveria pasi i trembet protestës që do të zhvillohet sot në orën 16:30.
Reagimi i Boçi
TMERRI I REGJIMIT
Për të parë tmerrin që ka pushtuar regjimin e Ramës nga reagimi qytetar, nuk mjaftojnë vetëm pamjet e vrerosura të kalorësit të çmendur të apokalipsit historik e kulturor.
Ai lexohet mirë me dhunën dhe arrogancën e policisë së partisë.
Grahmat e fundit kanë hyrë në fazën e numërimit mbrapsht.
Me urdhër të grahmave të tij dhe sot, megjithëse është dita e hapjes së madhe, është bllokuar përsëri rrethrrotullimi i Bradasheshit, Elbasan në drejtim të Tiranës.
Regjimi kërkon oksigjen nëpërmjet terrorit dhe marrjes së asaj pak lirie të njerëzve, pasi i ka grabitur çdo gjë tjetër.
Por përballja s’ka për të vonuar dhe vdekja që Rama kërkon të mbjellë, do ta marrë me vete në fatin e tij politik, të volusor tashmë në rrënojat e kazmës së tij ndaj historisë e demokracisë./ Opinion.al
