Ditën e sotëm prindër dhe qytetarë të ndryshëm kanë protestuar për vrasjen e 14-vjeçarit Martin Cani.
Gjatë kësaj proteste prindërit kanë parashtruar edhe 7 kërkesa për një arsim më cilësor dhe të sigurtë.
Kërkesat:
- Shtim i buxhetit për arsimin në nivelin 4% të GDP-së. Plotësimi i shkollave me infrastrukturë dhe staf mbështetës.
- Rritje dhe plotësim 100% te shkollave me shërbim psiko social, në raportin 1 psikolog/ punonjës social për 200 nxënës.
- Qëndrim i nxënësve në hapësirat e shkollës deri në orën 16:00, duke ofruar ushqim dhe mundësi për të bërë detyrat.
- Zbatim emergjent të udhëzimit për heqjen e telefonave në orarin e mësimit.
- Miratimin e legjislacionit për vendosjen e filtrave parandalues të permbajtjeve me gjuhë dhune ose urrejtje për të miturit nën moshën 18 vjeç në hapësirën digjitale.
- Çdo shkollë duhet të ketë Oficier Sigurie.
- Krijimi i një sistemi të raportimit të rasteve ku të ndërlidhen të gjitha hallkat që nga mësuesit komuniteti i prindërve dhe drejtoritë e shkollave.
