N/Kryetari i PD-së Edi Paloka u brëri thirrje të gjithë qytetarëve të bashkohen në protestën e 16 Shkurtit. Ai tha se arsyet janë të mjaftueshme për të protestuar.
“Nëse qytetarët nuk reagojnë, çdo gjë do të shkojë keq e më keq. Qëllimi që ne po thërrasim qytetarët, të bashkohen të gjithë, ata që kanë një hall, ata që shohin tu rriten taksat, ata që shikojnë që varfërohen. Kushdo që ka një hall duhet të ngrihet dhe të protestojë ndaj Edi Ramës. Nëse nuk ngrihemi ky do të vazhdojë të tallet, të bëjë arrogantin dhe ne do të vazhdojmë të bëhemi keq e më keq dhe do t’i shohim fëmijët tanë të vazhdojnë rrugën e emigrimit”, tha Paloka.
Ai u pyet nga gazetarët dhe për deklaratën e ambasadorit të BE, Soreca se Shqipëria duhet të punojë për hapjen e negociatave në qershor dhe se PS-PD duhet të dialogojnë për reformën zgjedhore.
Numri II i PD tha se me këtë regjim që ka instaluar Rama rrezikohet të mos hapen negociatat.
“Ambasadori i BE deklaroi hapur se lufta ndaj krimit në Shqipëri ka mbaruar, madje edhe ajo lufta e famshme “Forca e Ligjit”, është ndërprerë. Edhe për këtë, shqiptarët duhet të ngrihen që të mos bëhen viktima të krimit. Ne prisnim që në qershor të hapeshin negociatat. Me këtë formë dhe këtë regjim si dhe me Edi Ramën kryeministër, as negociata nuk do të ketë”, deklaroi Paloka.
/Ri-De
