Ministri i Brendshëm Sandër Lleshaj ka reaguar në Twitter në lidhje me protestën e opozitës. Lleshaj thotë se protestat e verbra, jo vetëm që godasin institucione, deputetë e policë, por e pengojnë Policinë e Shtetit që të merret me detyrën e saj kryesore.
“Protestat e verbra që godasin deputetë, institucione dhe policë, sjellin vetëm një rezultat. Ato pengojnë shumë policë që të merren me detyrën e tyre kryesore, që është lufta kundër krimit. Ftoj qytetarët që të mbështesin Policinë e Shtetit në luftën e përbashkët kundër krimit për një Shqipëri normale. Mirënjohje për dinjitetin dhe përkushtimin e punonjësve të Policisë së Shtetit”, shkruan Lleshaj.
Më herët, kryetarja e LSI-së Monika Kryemadhi i bëri thirrje Sandër Lleshajt që t’i jepte ujë policëve pasi po lodheshin nga dielli. “T’u japin ujë policëve, ata janë aq të sikletosur sa nuk e marrin ujin tonë se i pushojnë nga puna”, u shpreh Kryemadhi./Opinion.al
