Pas kërcënimeve të SHBA për vënie të tarifave ndaj disa prej produkteve ushqimore italiane si kundërpërgjigje ndaj subvencioneve qeveritare për kompaninë ajrore evropiane Airbus, ka bërë që fermerët italian të dalin në protestë.
Lidhur me protestën e tyre, ditën e djeshme gjatë takimit të kryeministrit Italian Giuseppe Conte dhe sekretarit amerikan të Shtetit Mike Pompeo ka ndodhur një incident.
Një gazetare e cila drejton një emision satirik i është afruar Pompeo gjatë takimit dhe i ka dhënë djathë në shenjë proteste ndaj kërcënimeve të SHBA.
Ajo është shprehur para zyrtarit të lartë amerikan; “Kjo është diçka e bërë me zemër, shpresojmë që ju mund të na ndihmoni duke ia çuar zotit Trump”.
Por, ku gjest ka vënë në siklet kryeministrin italian Conte i cili gjatë kohës që gazetarja po i jepte djathë sekretarit amerikan të Shtetit u shpreh; “Ajo nuk është më e mirëpritur. Shoqërojeni jashtë ju lutem. Trego respekt kur je i ftuar në shtëpinë e dikujt tjetër”
Po ashtu, në sallë ka pasur dhe pankarta të tjera ku shkruhej; “Mos e vrisni ushqimin italian”, “Zoti Pompeo ne jemi miq”
Më herët gjatë këtij viti, Organizata Botërore e Tregtisë (OBT) doli në përfundimin se Airbus kishte marrë subvencione të paligjshme qeveritare, duke i hapur dritën jeshile Uashingtonit të vendosë tarifa ndëshkuese.
Shtetet e Bashkuara kanë hartuar një listë produktesh importi të BE-së në vlerë 25 miliardë dollarë, nga e cila do të zgjedhë ato që do të preken nga tarifat, duke filluar nga avionët apo pjesë të tyre, tek vera, djathi e produkte luksi. Disa produkte italiane, përfshirë djathin parmixhan dhe vajin e ullirit, pritet të jenë subjekte të tarifave. / Opinion.al E.Xh.
