Gjithçka ndodhi sot në parlament, perkthehet nga mazhoranca si taktikë e opozitës për të bllokuar integrimin e vendit dhe reformen ne drejtesi. “Jo më kot ky qëndrim bëhet në seancën e fundit para datës 17 prill, që është një ngjarje e rëndësishme për vendin”, tha Taulant Balla, duke folur mes zhurmes e tymit ne parlament.
Jashtë Parlamentit, kreu i grupit te PS, i perforcoi akuzat, duke deklaruar:
“Sot është seanca e fundit parlamentare para se javën e ardhshme të vendoset për hapjen e negociatave dhe integrimin e Shqipërisë në BE. Ky do të jetë një lajm shumë i mirë.
Sakaq, Reforma në drejtësi po ecën përpara. E gjithë kjo dhunë sot në Parlament është shprehja më e qartë e shprehjes së solidaritetit mes gjyqtarëve të korruptuar dhe politikanëve të korruptuar si Lulzim Basha dhe Monika Kryemadhi”.
