Belind Këlliçi ka zhvilluar një takim me kryesinë e Degës 11 të Tiranës, ku ka diskutuar mbi organizimin e protestës së 23 dhjetorit.
Gjatë këtij takimi, Këlliçi thotë se kjo protestë do të jetë një moment vendimtar për të kërkuar një qeveri teknike dhe zgjedhje të lira dhe të ndershme për Shqipërinë.
Këlliçi ka theksuar se kjo protestë do të përfshijë çdo cep të Shqipërisë, për të sensibilizuar dhe mobilizuar qytetarët.
“Me kryesinë e Degës 11 Tiranë, duke diskutuar detajet e fundit për organizimin e protestës së datës 23 dhjetor.
Lapraka dhe këtë herë do të jetë në ballë të aksionit. Qeveria teknike dhe zgjedhjet e lira e të ndershme, janë e vetmja zgjidhje për Shqipërinë.
Këtë javë do të jemi kudo, në çdo cep të vendit, për të sensibilizuar dhe mobilizuar çdo shqiptar, që të bashkohet me ne.
Koha nuk pret më!
O sot, o kurrë”, shkruan Këlliçi.
