Teksa vazhdon protesta e disatë e opozitës para bashkisë së Tiranës, Belind Këlliçi gjatë fjalës së tij ka hedhur akuza ndaj policisë.
Sipas tij, efektivët e forcave policore janë “mercenarë dhe mbeturina” që janë vënë në shërbim të pushtetit të Veliajt dhe Ramës.
Ai theksoi se policisë duhet t’i vijë turp, pasi po mbrojnë një hajdut dhe një bandë në pushtet.
“Turp për Policinë e Shtetit që sillet kështu me qytetarët. Kjo betejë bëhët dhe për ju, turp për ju, t’ju vijë zor për familjarët e tu. T’ju vijë turp, se përpara se të jeni policë jeni qytetarë. Veliaj e pi shishen e verës sa keni ju rrogën. Po mbroni hajdutërinë.
Kjo është një bandë që kërkon përgjigje të merituar. Të protestojmë edhe para parlamentit, që të largojmë Edi Ramën, Taulant Ballën, ndaloni policinë, këta mbeturina që janë mercenarë që shtypin qytetarët. Asnjë qytetar nuk reagoi ndaj policisë dhe kjo që ata bënë ishte e panevojshme”, tha Këlliçi.
