Kreu i Grupit Parlamentar të Partisë Socialiste, Taulant Balla në një prononcim për mediat ka komentuar edhe protestën e organizuar dje nga kreu i PD, Sali Berisha.
Nga Kryesia e Kuvendit, Balla deklaroi se nuk ka dëshirë të komentojë protesta të tilla.
Ai tha se është vetë organizator i eventeve të mëdha politike dhe këto i duken të organizuara keq.
“Në koment të pyetjes tuaj, që lidhet me non-gratën Sali Berisha. Sot kemi pranuar kërkesën e 15 deputetëve të PD-së se nuk ishte firma e Sali Berishës brenda. Nëse do ishte firma, do e kishim pranuar. Kjo qasje do të vazhdojë gjithmonë. Non-grata është Sali Berisha. Shkresë që mban firmën e Sali Berishës këtu sa të jem unë kryetar grupi parlamentar të PS-së, nuk votohet në Kuvendin e Shqipërisë. Në këtë aspekt, dua t’u them që nuk dua të hyjë në komente të organizimit të protestave. Jam vetë organizator i madh i eventeve politike, më duken të organizuara keq”,-tha Balla
