Gjykata e Durrësit ka reaguar zyrtarisht pas protestës së avokatëve, duke deklaruar arsyet që e çuan në vendimmarrjen për të lënë jashtë avokatët për shkak të hapësirave të vogla të gjykatës.
Sipas reagimit zyrtar mësohet se volumi i punës, është rritur ndjeshëm pas kalimit në Gjykatë të Juridiksionit të Përgjithshëm që mbulon 4 bashki.
Gjykata e Durrësit njofton se i hap rrugë dialogut, përmes një takimi me drejtues të Dhomës së Avokatisë për të parë çdo mundësi për zgjidhjen e situatës të krijuar.
“Gjykata e Shkalles se Pare e Juridiksionit te Pergjithshem Durres, duke marre shkas nga vendimi i Dhomes Vendore te Avokatise Durres per bojkotimin e te gjitha seancave gjyqësore civile dhe penale, vlereson te informoje si vijon:
Shtimi i organikes me gjyqtare dhe nenpunes te administrates, si dhe zgjerimi i juridiksionit te kesaj gjykate ne kater bashki, ka rritur ndjeshem numrin e çeshtjeve qe gjykohen gjate dites.
Ambientet e godines ku ushtron veprimtarine kjo gjykate jane te pamjaftueshme per ushtrimin e
detyres si nga ana e giyqtareve po ashtu dhe te administrates gjyqesore. Ato nuk ofrojne garancite e nevojshme per sigurine fizike te giyqtareve, zbatimin e parimit te transparences, trajtimit dinjitoz e solem te perdoruesve te giykates apo zhvillimin e seancave giyqesore ne teresi.
Problematika e nje godine te re eshte adresuar nder vite. Ne kuader te mireadministrimit te ketyre ambienteve, eshte vleresuar qe palet ndergjyqesor per pritjen e seancave gjyqësore te qendrojne ne hollin e Gykates ne katin e pare dhe njoftimi i tyre te kryhet njekohesisht si nga sekretaret gjyqesore edhe nepermjet sistemit audio.
Theksojme se kjo mase e marre nga Gjykata eshte e diktuar objektivisht nga kushtet dhe ne asnje rast si mase qe cenon aksesin ne Gjykate.
Ne funksion te transparences dhe mbarevajtjes se punes, Gjykata e Shkalles se Parë e Juridiksionit te Pergjithshem Durres do te marre masat per te zhvilluar sa me shpejt, takim me perfaqesues te
Dhomes Vendore te Avokatise Durres, per te diskutuar dhe per te zgjetur zgjidhje optimale.
Gykata e Shkalles se Pare e Juridiksionit te Pergjithshem Durres shpreh gatishmerine maksimale ne kuader te bashkepunimit nderinstitucional, si dhe duke konsideruar cdo shqetesim te percjelle prej perdoruesve te gjykates, eshte duke marre masat dhe vleresuar te gjitha alternativat e mundshme per zgjidhjen sa me te shpejte te situates”, thuhet në reagimin e Gjykatës së Durrësit.
