Policia italiane ka arrestuar dy shqiptarë, pasi akuzohen për shfrytëzim prostitucioni, dhunë dhe kanosje. Identiteti i tyre nuk bëhet i ditur, ata janë të moshave 45 dhe 30 vjeç. Sipas hetimeve, dy shqiptarët kanë shitur për 30 mijë euro një shtetase rumune 20-vjeçare, me qëllim prostitucioni.
Sipas hetimeve, dy shqiptarët e kishin marrë rumunen me dhunë, e kishin rrahur dhe e kishin detyruar që të prostituonte për ta.
Më pas, ata kishin gjetur një klient austriak të moshuar, dhe ia kishin shitur atij për 30 mijë euro vajzën. Edhe i moshuari e shfrytëzonte atë për prostitucion në Austri.
Policia kishte rënë në gjurmët e tyre dhe kishte nisur hetimet nëpërmjet përgjimeve telefonike. Sapo janë kthyer në Itali, përkatësisht në Firence, autoritetet kanë proceduar me arrestimin e tyre. /Tv Klan
