Gjykata greke ka lënë në burg 34-vjeçaren shqiptare, Lorela K. si dhe njërin nga grekët e arrestuar, ndërsa një person i tretë një 55-vjeçar është lënë i lirë.
I pandehuri i tretë, i cili akuzohet për veprën penale të marrëdhënies seksuale me të mitur, është lënë i lirë.
Këtij të fundit i është vendosur kushti kufizues për t’u paraqitur dy herë në muaj në Drejtorinë e Policisë.
Sipas raportimeve, tre të pandehurit i kanë mohuar akuzat gjatë deklaratave të tyre. Në fakt, 31-vjeçarja dyshohet se nuk i shtynte vajzat në prostitucion dhe se e kishte këshilluar 17-vjeçaren të mos merrej me këto punë. Ajo mësohet gjithashtu se ka pohuar se nuk njeh asnjë nga të akuzuarit.
Së fundi, dy të pandehurit meshkuj para hetuesisë dyshohet se nuk e dinin që vajzat ishin të mitura pasi u ishin dukur si 20 vjeç.
Me pseudonimin ‘Lorela’, 31-vjeçarja e arrestuar për pjesëmarrje në rrjetin e tutorëve të mitur u afrohej vajzave dhe u premtonte shpërblime të mëdha nëse do të bënin seks me burra të pasur.
Viktima kryesore e saj ishte një vajzë 15-vjeçare, së cilës dyshohet se i është afruar miqësisht në vitin 2022. “Lorela” kishte qëllimin kryesor ta shtynte në prostitucion me joshjen e parave, duke i premtuar se do të gjente klientë për të.
Personi i dytë që i është caktuar masa e paraburgimit është një 34-vjeçar i cili ka qenë shok i “Lorelës”. 34-vjeçarja, nga mesi i prillit 2023, ka rënë në kontakt me të miturën e sipërpërmendur dhe një shoqen e saj 17-vjeçare në atë kohë, duke i propozuar që të lehtësojë gjetjen e klientëve të pasur “për takime seksuale me pagesë. Ai i fotografonte me të brendshme, duke i postuar fotot në një faqe interneti, përmes së cilës u rezervuan të paktën 10 takime romantike dhe u kryen në hotele në qendër të Athinës./Opinion.al
