Deputetja e PD Grida Duma ka reaguar për deklaratat e kreut të PD, Lulzim Basha dhe propozimet e tij për qeverinë lidhur me krizën ekonomike dhe rritjen e çmimeve. Basha u shpreh më herët se ka dy mënyra për të përballuar situata të tilla, një është subvencionimi ndërsa tjetra është për të mbajtur nën fre çmimin.
Në një deklaratë para nisjes së mbledhjes Duma tha se opozita duhet të bëjë opozitarizëm, jo këshilltarin e qeverisë.
“Kjo është një ironi e madhe se unë besoj që të gjithë bashkë duhet të jemi për të mos bërë këshilltarin e qeverisë, nuk duhet të dali kryetari i opozitës dhe ta reduktojë PD duke i këshilluar qeverinë se si të marr nga taksat këtej dhe t’i vendosë andej, ne nuk këshillojmë qeverinë ne duhet të bëjmë opozitarizëm.
Sheshet janë të mbushura me qytetarë, unë kam një revoltë personale, miq më thonë ‘si po duket protesta e qytetarëve, dhe më thonë ju lutem mos u shfaqni se na prishni protestën’, Që ka arritur opozita të humbë kredibiolitetin q ëpo të shfaqen njerëz të opozitës, ne duhet të ishim duke organizuar protesta dhe ne po zgjidhim problemet e brendshme e duke u thënë deputetëve që do vijoj të bëj sikur, unë besoj që sot duhet të merren vendime dhe të bëhen hapa pas.
Asnjë nuk është i Bashës dhe Berishës, përtej tyre ne duhet të jemi fitues se s’mund pranohet që PD të jetë humbëse, të gjitha përpjekjet për të fituar kohë të Bashës që të mos bëjë opozitën reale do të përdoren të gjitha mjetet juridike për ta ndërgjegjësuar, ai bashkë me ne duhet të thoshte hajde të rindërtojmë PD. Dualizimi me Berishën dhe 9 shtatorit ishte pro SHBA dhe PD duhet ta ketë mbështetje, e kemi lirinë për të vepruar”, tha Duma./Opinion.al
