Tre persona të tjerë kanë rënë në pranga të plicisë së Tiranës, në operacioni “Valuta”. Të arrestuarit kanë bashkëpunuar në grabitjen me dhunë të ndodhur paraditen e djeshme, në rrugën e “Barikadave”, ku kanë sulmuar Agron Shirën, pronar i një pikë këmbimi valutor, dhe i kanë marrë një sasi lekësh.
Njëri nga grabitësit (35-vjeçari E.F) u arrestua menjëherë falë ndërhyrjes në kohë të një patrulle të Policisë Rrugore. Ndërkohë këtë të shtunë në pranga kanë rënë
– E. B., 37 vjeç, banues në Tiranë ( i dënuar më parë për “Vjedhje”);
– B. H., 27 vjeç, banues në Tiranë;
-Xh. D., 23 vjeç banues në Tiranë ( i dënuar më parë për “Vjedhje”).
Policia thotë se janë sekuestruar në cilësinë e provës materiale dhe sendet e përdorura nga këta shtetas gjatë vjedhjeve: Motorr skuter; kokore; tub metalik; thikë dhe doreza plastike; doreza dhe veshje të përdorura nga autorët; tre aparate celular dhe automjet./Opinion.al
