Një person është gjetur i pajetë mëngjesin e sotëm në Korçë në fshatin Mborje. 45-vjeçari u gjet pranë lokalit të tij nga bashkëfshatarët. Mësohet se 45-vjeçari është identifikuar si Flamur Duci.
Sipas të dhënave të para, Duci është vrarë pasi viktimës i është gjetur plagë në trup, dyshohet se i është shkaktuar nga një mjet prerës.
Po ashtu, bëhet me dije se viktima ka djegie në pjesën e sipërme të trupit çka dyshohet se autorët kanë tentuar t’i vënë zjarrin.
Policia ndodhet në vendin e ngjarjes dhe po punon për zbardhjen e rrethanave.
Njoftimi i policisë
Më datë 19.12.2019, rreth orës 07.15, jemi njoftuar se në fshatin Mborje, pranë lokalit të tij është gjetur i pajetë nga bashkëfshatarët, shtetasi F.D., rreth 45 vjeç.
Grupi hetimor ka mbërritur menjëherë në vendngjarje dhe po punon për zbardhjen e rrethanave të ngjarjes./Opinion. al
