Kreu i Grupit Parlamentar të Partisë Socialiste, Taulant Balla ka komentuar në një takim me një grup deputetësh të parlamentit çek, djegien e mandateve nga opozita sot.
Edhe pse më herët Balla kishte provokuar duke u shprehur se nuk besonte që opozita do ti digjte mandatet, sot e ka vlerësuar këtë vendim të opozitës si një hap të pamenduar mirë.
“Si në çdo vend demokratik marrja e pushtetit me dhunë apo përpjekjet për delegjitimimin e proceseve demokratike është e papranueshme dhe e pa tolerueshme. Asnjë parti politike në Shqipëri nuk ka të drejtë të dëmtojë perspektivën europiane të Shqipërisë dhe se mandatet parlamentare përfaqësojnë vullnetin e popullit. Dorëzimi apo dorëheqja prej tyre është injorimi i vullnetit të popullit”, tha Balla.
Ndërsa në një deklaratë për shtyp Balla, ndërsa ka përshëndetur përmbylljen e aplikimeve për Prokurorinë Speciale, nuk ka ngurruar të deklarojë se “politikanët e korruptuar të opozitës nuk e penguan dot këtë proces.”
“Nuk është rastësi që akti i i sotëm anti-demokratik i Sali Berishës, Lulzim Bashës dhe Monika Kryemadhit ndodhi pikërisht në ditën e përfundimit të aplikimeve për SPAK dhe në ditën që Kuvendi duhet të votonte strukturën e institucioneve kryesore të Drejtësisë së Re: Këshilli i Lartë i Drejtësisë (KLGJ) dhë Këshilli i Lartë i Prokurorisë (KLP). Megjithatë Kuvendi i shqiptarëve do ta votojë në seancën më të parë javën e ardhshme.”, tha Balla. Dl/ Opinion.al
