Prokuroria kërkon një tjetër masë sigurie me “arrest me burg”, për shtetasin Engjellush Bengasi, lindur në Gramsh, i cili aktualisht ndodhet i dënuar për të një njëjtën vepër penale, atë të mashtrimit.
Prokurori Ervin Karanxha, ka kërkuar nga gjykata “arrest” për Bengasin, i dyshuar për “mashtrim me pasoja të rënda të kryer në bashkëpunim”.
Aktualisht, ky shtetas ndodhet në burgun e Fushë Krujës, pasi është dënuar nga gjykata e Tiranës.
Ndaj tij, ka ngritur padi shtetasi P. Haderi, në lidhje me shitjen e një apartamenti me sipërfaqe 110 m2. Kallëzuesi ka denoncuar një kontratë të lidhur pranë një notereje më 21 nëntor 2012, ku si palë e parë shitëse është shoqëria “Beu Konstruksion shpk” e përfaqësuar nga shtetasi Engjell Bengasi.
Kallëzuesi pretendon se ka bërë likuidimin total të lekëve të këtij apartamenti shumë të cilën ja ka dhënë shtetasit Engjell Bengasi.
Kallëzuesi thotë se më datë 14.01.2013 ka likuiduar derdhjen e fundit të këtij apartamenti në degën e një banke të nivelit të dytë.
Ne momentin qe kallëzuesi është bërë me dije për arrestimin e shtetasit Engjell Bengasi për veprën penale te “Mashtrimit” ka shkuar prane apartamentit te blere prej tij dhe ka marre kontakt me shtetasen Vjollca Hoxholli , por nga kjo e fundit i ka bere me dije se Engjell Bengasi ishte nënkontraktor me shoqërinë që ajo administron “Jon” shpk dhe nuk e njihte kontratën qe kallëzuesi ka bërë me Engjell Bengasin për apartamentin në fjalë.
