11 miliardë lekë të reja parashikohet të shpenzohen për projektin e ndërtimit te kompleksit të ri parlamentar.
Mësohet se Byroja e Kuvendit vendosi t’i kërkojë Gramoz Ruçit të avancojë me këtë projekt, duke negociuar me të njëjtën firmë që Jozefina Topalli përzgjodhi fituese kur drejtonte legjislativin.
Sipas “A2” projekti i ri do të ndryshojë dhe se godina e re do të ndërtohet mbi atë ekzistuese të Kryesisë së Kuvendit, ose ish-Komitetin Qendror.
“Zhvillimi i aktivitetit në dy godina, në atë te Sallës së Seancave Plenare dhe godinës ku ndodhen zyrat e Kuvendit, krijon vështirësi në zhvillimin e aktivitetit te përditshëm parlamentar si dhe kosto shtesë”
Por, përveç negocimit me firmën arkitekturore projektuese, Kuvendi duhet të bind edhe ministrinë e Financave për dhënien e 11 250 000 lekëve të cilat do të shpenzohen për katër vitet e ardhshme për ndërtimin e godinës së re.
Në projektin e ri parashikohet të vendosen edhe masa të sigurisë, si rrjeta metalike dhe xhama të blinduar.
“Kërkohet të vendosen dritare me xham të blinduar, 186 copë dhe grila metalike 256 copë në vlerë totale, 57,1 milionë lekë. Furnizim, vendosje dyer të blinduara 47 copë, me vlerë 22,9 milionë lekë”
Deri në vitin 2022, pjesë e planit B është dhe rikonstruksioni i sallës së seancave plenare, me një vlerë 161 milionë lekë./ Opinion.al E.Xh.
