Vrasësi i ambasadorit të Rusisë në Ankara, Andrei Karlov, është Mevlüt Mert Altınbaş. Prej 2 vite e gjysmë ai ishte në detyrë në policinë e Ankarasë. Altınbaş ka mbaruar shkollën e lartë të policisë Rüştü Ünsal, në Izmir. Ai është nga Manisa dhe është i datëlindjes 24 qershor 1994″. Detajet mbi identitetin e vrasësit që e qëlloi ambasadorin pas shpine në një ekspozitë pikturash u bënë publike nga Ministri turk i Punëve të Brendshme, Süleyman Soylu.
Soylu ka dhënë detaje edhe mbi personat e plagosur. “Gjatë ngjarjes është plagosur edhe Leyla Gündoğan, Anastas Zimbinkali, lindur në Shqipëri dhe banues në Turqi, si dhe Arıl Değer, që janë dërguar menjëherë në spitalin Güven në Ankara. Arıl Değer ka dalë menjëherë nga spitali, ndërsa dy të plagosurit e tjerë gjenden nën kujdesin e mjekëve. Njeri prej tyre është plagosur në këmbë dhe tjetri në krah.”
