Në vitin 2008 një spiritualiste amerikane publikoi një libër parashikimesh mbi fundin e botës, i cili aktualisht është kthyer në një fenomen letrar. Libri, i cili sot është renditur i dyti në rrjetin e shitjeve Amazon, pretendon se ka disa informacione që lidhen edhe me COVID-19.
Autorja Sylvia Browne u nda nga jeta në vitin 2013 mirëpo sot ka ardhur prapë në vemendjen e publikut, me librin e saj, të titulluar: “Fundi i ditëve” , ku parashikohet që rreth vitit 2020 një sëmundje e ngjashme me pneumoninë do të përhapet në të gjithë botën.
Në libër theksohet fakti se kjo sëmundje do të prekë mushkëritë dhe se për të nuk do të ketë asnjë kurë të njohur.
Megjithatë, autorja ishte kritikuar vazhdimisht për parashikimet e pasakta teksa ishte gjallë. Një prej tyre ishte edhe mosha e vdekjes së saj, 88 vjeç, por ajo u nda nga jeta në moshën 77-vjeçare./Opinion.al
