Pasi presidenti Nicolas Maduro shpalli një fitore historike votimin e së dielës, Antonio Mugica, themeluesi i kompanisë të votimit elektronik, është shprehur se numri i votuesve me numrin përfundimtar të votimeve ka një diferencë prej një milion votash, të manipuluara.
Antonio Mugica u lind në maj 1974. Ai është themeluesi dhe CEO i “Smartmatic”, një kompani që siguron mundësinë e votimit elektronik. Ai më parë ka shërbyer si Drejtor i “Anoto Group AB” dhe Drejtor i Korporatës “Panagroup”. Antonio Mugica, shefi ekzekutiv i Smartmatic, ka deklaruar se ka pasur një mospërputhje prej së paku një milion votash në zgjedhjet për miratimin e kushtetutës së re.
“Ne dyshojmë se ndryshimi midis pjesëmarrjes aktuale dhe atij të shpallur nga autoritetet është të paktën një milion vota. Është e rëndësishme të theksohet se kjo nuk do të kishte ndodhur, nëse auditorët e të gjitha partive politike do ishin të pranishëm në fazat e ndryshme të zgjedhjeve.”- tha Mugica.
Pas deklaratës së Mugicës, opozita e Venezuelës ka reaguar ashpër, duke bojkotuar zgjedhjet dhe duke e quajtur mashtrues. Anëtarët e opozitës thanë se Asambleja e re Kushtetuese, e cila ka fuqinë për të shpërndarë Asamblenë Kombëtare, të kontrolluar nga opozita, me rishkrimin e kushtetutës së Venezuelës, do të dëmtojë demokracinë.
Pas rezultatit, dy udhëheqës të opozitës Leopoldo Lopez dhe Antonio Ledezma u arrestuan, duke marrë dënime, nga Shtetet e Bashkuara dhe organizatat ndërkombëtare.
CNN i ka kërkuar Komisionit të Zgjedhjeve të Venezuelës të komentojë mbi pretendimet e Mugica. Komisioni ka njoftuar një konferencë për shtyp ditën e sotme në orën 12:00, të orës së tyre lokalë.
Venezuela ka përdorur sistemet e votimit Smartmatic edhe në Londër në zgjedhje që nga viti 2004, sipas Smartmatic, ka qenë frytdhënës.
Maduro do të mbajë një ceremoni betimi për Asamblenë Kushtetuese, ditën e sotme, në arenën Poliedro de Caracas, sipas Ministrisë së Komunikacioneve të Venezuelës.
Përpara votimit, ai argumentoi se Asambleja Kushtetuese do të ndihmonte në sjelljen e paqes në një vend polarizues, me të gjitha degët e qeverisë që bien nën lëvizjen politike të themeluar nga mentori dhe paraardhësi i tij i vdekur, Hugo Çavez.
Por kritikët e kanë quajtur votën një mashtrim. Tani pritet çdo të ndodh me votimin e ‘manipuluar’.
