Profesorit shqiptar Andi Hoxhaj, i është dorëzuar nga Princi William titulli më i lartë “Oficer i Urdhrit Më të Shkëlqyer të Perandorisë Britanike” (OBE).
Nëpërmjet një postimi në rrjetet sociale, Ambasadori i Britanisë së Madhe në Shqipëri, Alastair King-Smith ka publikuar foto nga momenti kur profesorit shqiptar i dorëzohet titulli nga Princi William.
Krahas fotove, ambasadori shkruan “Dr. Andi Hoxhaj mori pjesë në ceremoninë e zhvilluar më 8 maj në Kështjellën Windsor, të mbajtur nga Lartësia e Tij Mbretërore, Princi i Wales. Andi Hoxhaj është emëruar si Oficer i Urdhrit Më të Shkëlqyer të Perandorisë Britanike (OBE) në Listën e Nderimeve të New Year 2024 për shërbimin e tij në marrëdhëniet MB-Shqipëri. Shumë urime Dr. Hoxhaj”.
Titulli OBE është çmimi i dytë më i lartë në renditjen e Urdhrit të Perandorisë Britanike (duke përjashtuar titullin kalorës/dame). Ky titull është vendosur që në kohën e Mbretit George V në vitin 1917 për shërbime në perandorinë britanike. Tashmë OBE u jepet personaliteteve që kanë dhënë kontribute të mëdha në nivel lokal, ose puna e të cilëve ka fituar një profil kombëtar. Njerëz të famshëm që kanë një OBE janë JK Roëling OBE, David Beckham, Frank Lampard, Keira Knightley apo Damon Albarn.
