Jeta në familjen mbretërore është elegante dhe luksoze, por është gjithashtu e kontrolluar nga protokollet dhe traditat shekullore. Ndaj mund të themi pa frikë se princeshë Diana bëri revolucion, pasi falë saj shumë rregulla ndryshuan njëherë e përgjithmonë.
Ja cilat janë disa prej tyre:
Eksperimentonte shumë me pamjen
Pavarësisht rregullave strikte, Diana ja dilte gjithnjë të dukej ndryshe, elegante dhe e bukur. Princesha nuk kishte frikë të eksperimentonte në ngjyra, printe dhe kombinime.
E zgjodhi vetë unazën e fejesës
Si rregull, unaza e fejesës për çiftet mbretërore porositen nga argjendari të famshme ose nga reliket e çmuara që familja i ruan brez pas brezi. Por princeshë Diana hoqi dorë nga kjo traditë dhe zgjodhi vetë një nga unazat që i pëlqyen në një katalog.
Ishte gruaja e parë në familjen mbretërore që lindi fëmijët në spital
Gratë e familjes mbretërore lindnin në shtëpi ku padyshim kishin të gjithë kushtet e nevojshme për të pritur bebushin. Princeshë Diana ishte e para anëtare e familjes mbretërore, e cila vendosi t’i sillte në jetë të vegjëlit në spital, duke thyer kështu një tjetër traditë.
Diana i rriti fëmijët sipas mënyrës së saj
Më herët, të kaloje shumë kohë me fëmijët nuk ishte e pranueshme për familjen mbretërore. Për shembull, kur princi Charles ishte 2 vjeç, atë e linin me gjyshërit e tij ndërkohë që prindërit udhëtonin jashtë.Por princesha nuk ishte dakord me këto formalitete dhe i rriti djemtë me një tjetër frymë. Ajo ishte kundër ndarjeve të gjata. Harry dhe William kanë qenë gjithnjë bashkë me të në çdo udhëtim. Princeshë Diana luftoi shumë që fëmijët e saj të kishin një fëmijëri normale, larg mediave, kamerave, dhe vëmendjes publike por nuk ia doli mbanë.
Lady Diana ishte shumë e hapur me njerëzit e thjeshtë
Emri i saj lidhet menjëherë me humanizmin dhe bamirësinë. Prandaj dhe njerëzit e quanin ndryshe, “Princeshë e Popullit”.
S’kishte frikë të tregonte ndjenjat e saj
Paparacët e ndiqnin kudo, lajmet mbi princeshë Dianën ishin më të lexuarat, dhe intervistat e saj thyenin rekorde shikueshmërie, por pavarësisht kësaj, ajo ishte e sinqertë me gazetarët. Pranonte çfarë nuk shkonte në familjen mbretërore dhe rrëfente disa nga vështirësitë e martesës me princin Charles, duke pranuar kështu se jo gjithçka shkëlqen në pallat./E.M
