Arianit Shehu, i ftuan në emisionin “Opinion” në Tv Klan, tha se grupi Wagner është një grup kriminel që akuzohet për krime lufte dhe ka lidhje me Presidentin Vladimir Putin.
Ai u shprehet se ky grupi funksionon si një ushtri dhe madje ka edhe 300 raketa S-300.
Blendi Fevziu: Sa prezentë kanë qenë në Siri trupat e Wagner?
Arianit Shehu: Padyshim që po. Ajo çfarë nuk u tha, grupi Wanger është kriminel, i jashtëligjshëm, akuzohet për krime lufte, për krimet në Buça në Mars 2022. Gjermania dhe Franca kanë ngritur akuzë që Grupi Wanger ka qenë pas masakrës së Buças. 95 % janë rusë, mirëpo ka edhe mercenarë edhe kryesisht nga vendet e ish-Bashkimit Sovjetik. Është shumë mirë e dokumentuar që dëshmon lidhjen e ngushtë dhe përkrahjen që ky grup ka pasur me qeverinë ruse.
Blendi Fevziu: Është trup këmbësorie apo jo?
Arianit Shehu: Gjatë luftës në Ukrainë kanë që si grupe speciale, që janë të përgatitur kryesisht për operacione klandestine. Ka ardhur një rritje e kapacitetve të grupit Wagner. Kanë për momentin edhe njësi artilerike, përveç atyre të këmbësorisë, kanë njësi të intervenimit të shpejtë me autoblinda dhe madje kanë njësi kundërajrore të fuqishme, pra janë të pajisur dhe me raketa S-300.
Blendi Fevziu: Praktikisht, është një forcë e armatosur rëndë me përjashtim të avicionit?
Arianit Shehu: Është një ushtri. Grupi lidhet me aneksimin e Krimesë në vitin 2013 dhe që nga atëherë ka vazhduar me 5 mijë ushtarë aktivë, tani sipas dijenive ka 35 mijë ushtarë aktivë.
Shehu thotë se udhëheqësi i grupit Wagner, Prigozhin është një kriminel, mercenar i rëndomtë e një bandit rrugësh.
Arianit Shehu: Prigozhin është një kriminel, është i burgosur që në rini, pastaj ka qenë i burgosur për krime të shumta. Hapi më pas restorantin e tij në Shën Petersburg, të cilin e frekuenton Putin. Mercenar i rëndomtë, është i vrazhdë, i pacipë, kriminel dhe ordiner, një bandit rrugësh.
