Presidenti Ilir Meta foli sot për herë të parë për ccështjen e nxehtë politike: Zgjedhja e Kryeprokurorit të përkohshëm. Ai tha se kjo është kompetencë e Parlamentit, por gjithashtu nënvizoi se duhet zgjedhur me konsensusin e mazhorancës dhe opozitës.
“Zgjedhja e Kryeprokurorit eshte përgjegjësi ekskluzive e Kuvendit të Shqipërisë. Si president unë dua të nënvizoj, derisa kemi të bëjmë me një çështje të rëndësishme të një institucioni kyç të drejtësisë, që duhet respektuar Kushtetuta dhe fryma e saj.
“Është e rëndësishme që të ketë midis aktorëve kryesorë një dialog të shpejtë, të përgjegjshëm dhe të bazuar mbi standarde transparente për zgjidhjen e kësaj çështjeje, pasi çdo hap i njëanshëm nuk do t’i ndihmonte konsolidimit të pavarësisë së institucioneve dhe rritjes së besimit të institucionet e reja të drejtësisë”, u shpreh Meta.
Deklarata u bë gjatë një konference me Presidentin e Malit të Zi pas pyetjes së gazetarëve.
/Opinion.al
