Presidenti i Kroacisë, Zoran Milanoviç në një konferencë për mediat me Presidentin shqiptar Bajram Begaj është shprehur se çështja e Kosovës duhet të zgjidhet sa më shpejt. Për Serbinë ai tha se është në pozitë politike skizofrenike që ka fantazi për raportet me Rusinë, ndërsa nga ana tjetër aspiron të anëtarësohet në BE.
Sipas Milanoviç, raportet mes Serbisë dhe Kosovës duhet të drejtohen në rrugën e duhur, drejt normalizimit të marrëdhënieve.
“Shpresoj që ky moment para se të rriten nipërit e mbesat tona. Sa i përket Kosovës, është një realitet. Disa vende nuk e kanë pranuar por nuk dinë ta arsyetojnë qëndrimin e tyre. Ndonjëherë është e mirë, ndonjëherë e rrezikshme. Shprehitë janë të ndryshme, Kroacia e ka pranuar Kosovën. Ky është një realitet. Do bëjmë çdo gjë që mundemi dhe asnjëherë me synimin e provokimit të Serbisë por që t’i ndihmojmë. Nuk duhet vlerësuar çfarë është në interesin e Serbisë por realiteti është që Kosova është vend i Europës dhe Serbia gjendet në një pozitë politike skizofrenike. Në një anë kanë fantazi për raportet me Rusinë, me të cilën Serbia është etiketë e vogël, nga ana tjetë rpretendojne të futen ne Europë. Raportet duhet të drejtohen në rrugën e duhur që nuk është drejt greminës por do ta bëjë edhe Serbinë më mirë. E di çfarë është interesi ynë e i Shqipërisë, normalizimi i marrëdhënieve. Kosova është në rrugë të mirë”, tha Milanoviç.
