Presidenti i UEFA-s, Aleksander Çeferin është shprehur se sistemi VAR është ende në fazë eksperimentale dhe nuk ngutet që këtë sistem ta vendosi edhe në Champions League.
“Liga e Kampioneve është si një Ferrari apo një Porshe, nuk mund ta nisësh menjëherë, duhen stërvitje, teste. Dhe të gjithë duhet të kuptojnë se si funksionon” shprehet Çeferin në një intervistë për “La Gazzetta Dello Sport”.
Ndërkohë Çeferin thotë se sistemi VAR do të vendoset në Champions League duke nisur nga sezoni 2019-2020, por ka arguentuar edhe vendosjen e sistemit në Botëror.
“Kam dyshimet e mia për përdorimin në Botëror. Kam frikë, pasi do të kemi gjyqtarë të cilët nuk kanë punuar kurrë me VAR. Shpresoj që të mos kemi skandale apo probleme” ka shtuar më tej presidenti i UEFA-s.
Ndërsa përsa i përket penalltisë në ndeshjen Real Madrid-Juventus, ai ka thënë se ka shumë njerëz që e kanë parë disa herë rastin dhe ku disa thonë që ishte penallti, kurse ka të tjerë që thonë nuk ishte.
