Massoud Pezeshkian, president i Iranit ka lëshuar një paralajmërim të fortë ndaj Izraelit pas sulmeve të fundit ajrore.
‘Nëse sulmet izraelite ndaj objektivave iraniane vijojnë, Izraeli duhet të përgatitet për një përgjigje më të ashpër dhe më të dhimbshme”, theksoi ai.
Deklaratën e bëri në një bisedë telefonike me kryeministrin e Irakut, ku Pezeshkian deklaroi gjithashtu se edhe vende të tjera të rajonit mund të rrezikohen nëse agresioni izraelit nuk ndalet.
Ndaj ai iu bëri thirrje kombeve islame që të mbajnë një qëndrim të qartë dhe të vendosur kundër asaj që e cilësoi si provokim të hapur.
“Irani nuk e nisi këtë konflikt, por është përgjigjur me vendosmëri,” u shpreh ai.
