Një postim gati të pabesueshëm publikoi në Twitter, kundër ish-zv/presidentit Joe Biden të mërkurën presidenti Donald Trump.
“I çmenduri Joe Biden përpiqet të bëj të fortin. Në fakt, ai është i dobët, si shpirtërisht dhe fizikisht. Megjithatë, më kërcënon, për herë të dytë me dhunë fizike. Ai nuk më njeh, por do t’a hajë keq dhe do të qajë. Mos kërcëno njerëzit, Joe”,- shkruan Trump në Twitter.
Joe Biden kishte folur ashpër për presidentin e SHBA-së, duke iu referuar deklaratave të tij të mëparshme seksiste rreth grave.
“Një tip, i cili u bë udhëheqësi i vendit tonë, kishte thënë se: “ai mund të kapë një grua në çdo pjesë në trupin e saj dhe do t’i pëlqente”. Më pyetën nëse doja të flisja me këtë zotëri dhe unë refuzova. Nëse do të ishim shokë klase, do t’i kërkoja atij të vinte te palestra dhe do t’a mbysja në dru”,- u shpreh Biden./PROlajm.al
