Sikurse u kërkua nga opozita negociatat për zgjedhjen e Presidentit të po mbahen këtë të mërkurë nën praninë e mediave.
Në fjalën e tij, Enkelejd Alibeaj tha se kanë marrë pjesë në këtë proces vetëm që të mos vinte raudni i katërt dhe i pestë e mazhoranca të bënte zgjedhjen duke fajësuar opozitën se braktisi procesin.
Më tej ai rënditi edhe arsyet përse është me rëndësi që presidenti të zgjidhet në tre raundet e para. Teksa theksoi qëndrimin e tij se mazhoranca nuk e ka legjimitetin për të zgjedhur presidentin e ri, Alibeaj theksoi se duhen vendosur disa kritere.
“Opozita mori pjesë në këtë proces për të mos krijuar alibi, arsye të paqena që pjesa tjetër e Kuvendit të shkojë në raundin e katërt dhe të pestë e të këndojnë “Ata s’erdhën, por e zgjedhim ne”. Kjo nuk do ti shërbente askujt, thjesht do ishte zgjatim i mazhorancës. Kjo është arsyeja pse kemi marrë pjesë në këtë proces. Pavarësisht ndryshimeve të 2008, thelbi mbetet, 3 raundet e para presidenti duhet të zgjidhet me jo më pak se 84 vota.
Ajo që sot konsiderohet mazhorancë nuk e ka legjitimitetin real, atë që buron nga zgjedhjet. Kriteret nuk janë ndonjë habi, përveç kritereve, legjislacioni përmbante një sërë kriteresh të tjera të shpërndara andej-këtej që i referohen institucioneve të tjera dhe ka ardhur e gjitha si nevojë për deformimin për të implementuar edhe për presidentin. Pjesa e dytë i përket procesit. Është legjitime, e justifikuar, shkon drejt frymës së kushtetutës. Në 3 raundet e para, e drejta për të propozuar t’i përkasë opozitës”, tha Alibeaj.
