Politikë

Presidenca i përgjigjet Ramës: Aty ku sodisje protestat i traumatizuar…


               Publikuar në : 14:50 - 29/02/20 |
Al Do

Presidenca ka reaguar ndaj deklaratave të kryeministrit Rama ndaj opozitës dhe Presidentit sot në Kongres.

Zëdhënësi i presidencës, Tedi Blushi shkruan se godina e kryeministrisë të cilën ai e quan “dhoma e luleve” do të jetë më e sigurta në 2 mars dhe i thotë Ramës që të mobilizojë policinë për të kapur drogën dhe jo për protestën

Më në fund Gruaja e Bilalit hoqi dorë nga zanati i fotove të vjedhura dhe kaloi tek arti i gatimit me tenxhere dhe kusi, në Dhomën e Luleve. E sigurojmë se godina ku ndodhet Dhoma e Luleve, nga ku ajo sodiste e traumatizuar protestat e opozitës në vitet 2000, do të jetë më 2 mars godina më e sigurtë në botë, e mbrojtur nga vajza dhe gra kuqezi vetëm me mimoza në duar. Të mos mobilizojë policë kot por t’i dërgojë të kapin tonelatat e drogës!”, shkruan Tedi Blushi.

Gjatë fjalës së tij në Kongres Rama tha se populli nuk i shikon fare ata që duan të bëjnë një besëlidhje të dytë dhe se opozita është katandisur si luga që i bie tenxheres bosh.

“Njerëzit po presin besëlidhjen e Lezhës në datën 2 Mars. Mendoni se njerëzit do të ngatërrojnë Gjergj Kastriotin me besëlidhësit e rinj që janë armiq të Reformës në Drejtësi. Nuk i shohin njerëzit fare këto. Njerëzit shohin nga ne. Ne duhet të shohim përtejë dhe duhet të shohim shumë përtej atyre që jemi mësuar të fitojmë. Nesër do kërkohet shumë më tepër. Nuk duam të merrem fare me katandisjen e konkurrentëve. Ne duhet të kuptojmë sot se ky boshi është armik i rreziksshëm“, u shpreh Rama. /Opinion.al

Pas