Kthimi i ligjit për ndryshime në Kodin Penal është bërë pasi ndryshimet e propozuara janë të domosdoshme për ta bërë atë më efikas është shprehur zëdhënësi i Presidentit të Republikës, Tedi Blushi në një ‘replikë’ në Facebook ndaj reagimit të Taulant Ballës.
“Në kushtet kur Tao Tao drejton opozitën në Parlament dhe kur Tao Taot kanë bllokuar prej dy vitesh Gjykatën Kushtetuese” shkruan Blushi, “është detyrë e Presidentit të shqyrtojë me rigorozitet maksimal çdo ligj, me qëllim përmirësimin e tyre si në rastin konkret”.
Zëdhënësi i presidentit paralajmëron se ditën e nesërme do të bëhet publik edhe një vendim i presidentit për të kthyer një tjetër ligj në parlament dhe sipas tij ky është “halli kryesor i Tao Taove”
“Por halli kryesor i Tao Taove nuk është ky projektligj, por projekligji tjetër që është kthyer dhe që do publikohet nesër” shkruan Blushi.
Ai i quan “kërcënime të lodhura” reagimin e Ballës dhe shton se kjo gjë “nuk ia prish pushimet malore Presidentit”. /Opinion.al
