Ylli i të gjitha kohërave në futboll Diego Armando Maradona thuhet se do të jetë në “Loro Boriçi” ditën e inagurimit të impiantit të dytë më të madh të futbollit në Shqipëri. Madje për të bërë të mundur një prani të tillë kanë filluar edhe bisedimet. Ajo që të habit është se si mund të fillosh bisedimet për të qenë i pranishëm në një “ceremoni martesore” kur “nusja” nuk është gati. Pasi është e ditur tashmë se punimet në stadiumin “Loro Boriçi” janë pezulluar pasi një pjesë e fondit financues është bllokuar nga Bashkia Shkodër dhe nuk dihet se kur do të zhbllohet. Një situatë e denjë për ta sinkronizuar me shprehjen e gjetur shqiptare: “Peshku në det, tigani në zjarr”.
