Bota

Premtuan mbi 1 miliard dollarë për Notre Dame, deri tani asnjë cent


               Publikuar në : 11:35 - 15/06/19 |
Al Do

Miliarderët Francezë që u zotuan se do të dhuronin miliona për rindërtimin e katedrales së Notre Damit në Paris, ende nuk kanë dhënë një cent thonë burimet zyrtare të katedrales.

“Donatorët e mëdhenj nuk kanë paguar ende as edhe një cent”, thotë Andre Finot, zëdhënësi për mediat në Notre Dame.

Donacionet e deri tanishme kanë ardhur nga individë nga Amerika dhe Franca nëpërmjet fondacioneve të ngritura për rindërtimin e katedrales së famshme. Faturat dhe rrogat e punëtorëve që po punojnë që prej 15 prillit po paguhen nga paratë që vijnë nga këto fondacione.

Më shumë se 1 miliardë dollarë u premtuan nga disa familje dhe kompani nga më të pasurat dhe më të fuqishmet në Francë. Shumat e mëdha të këtyre donacioneve madje nxitën edhe kritika të shumta.

Francois Pinault i Artemis, kompania mëmë e Kering që zotëron Gucci dhe Saint Laurent, premtoi 163 milion dollarë, ndërsa Patrick Pouyanne, CEO i kompanisë franceze të energjisë Total, tha se firma e tij do të dhurojë të njejtën shifër.

Bernard Arnault, CEO i gjigantit luksoz LVMH që zotëron Louis Vuitton dhe Dior, premtoi 327 milionë dollarë. Të njejtën gjë bëri edhe Fondacioni Bettencourt Schueller i Pasurisë L’Oréal.

Asgjë prej këtyre parave nuk është parë, sipas z. Finot, pasi donatorët presin të shohin se si planet e rindërtimit kanë përparuar dhe luftojnë për kontratat. /Opinion.al

Pas