Politikë

Postoi shkrimin kundër Bashës që u fshi nga ‘Bild’, përgjigjet Balla


               Publikuar në : 12:12 - 20/01/20 |
Al Do

Kreu i grupit parlamentar të PS, Taulant Balla foli sot për gazetarët pas mbledhjes së Konferencës së Kryetarëve në Kuvend. I pyetur nëse ka një qëndrim për fshirjen e shkrimit të gazetës ‘Bild’ që akuzonte kreun e PD për lobim me burime ruse, Balla tha se këtë çështje duhet ta sqarojnë me gazetën. Ai theksoi se Basha gënjeu publikun për lobimin e PD.

“Këtë cështje sqarojeni me gazetën. PS-ja nuk ka asnjë qëndrim për një shkrim të caktuar në një media të caktuar. Janë pafund media që kanë shkruar për një çështje që edhe tani që flasim nëse hyni në DASH gjeni të gjitha kontratat. Vëmendja është sepse është pandëshkueshmëria. Para pak ditësh u publikua një vendim gjykate që i dha pandëshkueshmëri Bashës për një çështje që është e qartë në dritën e diellit. Pozicioni im është shumë i qartë, Basha ka gënjyer publikun shqiptar. Basha tha se 500 mijë dollarë i mblodhi dashamirësit në SHBA, por gjyqtari tha nuk ka paguar, Luli thotë kam paguar. Duhet të forcojmë legjislacionin për financimin e partive, duhet të jetë transparent. Ajo që ndodhi me rastin e Biniata Trade, e deklaruar se ka marrë pësipër të paguajë në emër të Bashës te një lobist në dëm të Shqipërisë, ky është një fakt i publikuar. Basha duhet të sqarojë pse emri i tij gjendet atje. Basha ka dy vite që nuk thërret një konferencë për të sqaruar këtë cështje” tha Balla.

Gjithashtu Balla theksoi se në mbledhje u diskutua për dy komisione të Posaçme.

Kuvendi do të përmirësojë legjislacionin shqiptar sa i përket ndërtimit, ka nevojë për më shumë kontroll për ti dalë përpara çdo lloj problematike. Konferenca e kryetarëve kishte disa çështje ku u diskutuan për dy komisione të Posaçme. njëra prej kërkesave të opozitës bie ndesh me rregulloren e Kuvendit për shkak se Kuvendi i Shqipërisë e ka një komision. Është shumë e nevojshme që Kuvendi të ushtrojë në mënyrë të vijueshme”, tha ai. /Opinion.al

Pas