Bota

Pompeo-Fuqive të mëdha: Reagoni ndaj provokimeve bërthamore të Iranit


               Publikuar në : 17:48 - 07/11/19 |
xhu lia

Sekretari amerikan i Shtetit, Mike Pompeo është shprehur  se për shkak të veprimeve të Iranit, fuqitë e mëdha, të kundërshtojnë “shantazhin bërthamor” dhe të ndërmarrin “hapa seriozë për të rritur presionin”.

Pompeo i bëri këto deklarata gjatë kësaj të enjte, në ditën kur Irani nisi të pasurojë uranium në centralin bërthamor Fordov.

Uraniumi i pasuruar mund të përdoret për të prodhuar lëndë djegëse për reaktorë, por edhe për armë bërthamore.

“Komuniteti ndërkombëtar duhet ta imagjinojë se si do të sillej Irani me armët bërthamore. Shtetet e Bashkuara nuk do ta lejojnë kurrë një gjë të tillë”, -tha Pompeo, duke e akuzuar Iranin për “dhunë dhe terror” si dhe për “minimin e sovranitetit të fqinjëve të tij”.

“Është koha tani që të gjitha vendet ta kundërshtojnë shantazhin bërthamor të regjimit dhe të ndërmarrin hapa seriozë për të rritur presionin. Provokimet e vazhdueshme bërthamore të Iranit kërkojnë veprime të tilla”,- tha Pompeo.

Me pasurimin e uraniumit në Fordov, Irani hoqi dorë edhe nga një pjesë e marrëveshjes bërthamore të arritur në vitin 2015 me fuqitë botërore.

Irani, ka nisur të tërhiqet nga angazhimet  me këtë marrëveshje qëkur Shtetet e Bashkuara janë tërhequr nga ky pakt, më shumë se një vit më parë./Opinion.al/

Pas