Rreth 2.5 milionë lekë të reja do të shpenzojë Policia e Shtetit për të blerë “qen agjentë”. Në Agjencinë e Prokurimit Publik është publikuar tenderi për “blerje qen riproduktorë”.
Instituti i Përgatitjes së Qenve të Policisë, e thënë ndryshe shkolla e qenve, është e vetmja që funksionon në Shqipëri. Ajo ndodhet në periferi të Tiranës, në Tufinë, dhe që prej gushtit të 1950, ka funksionuar si e tillë.
Por një problematikë e këtij instituti ka qenë freskimi i racës, ndaj në vitin që lamë pas 13 qenë të Policisë së Shtetit dolën në shitje. Krahas drogës, eksplozivëve dhe kufomave, instituti është pajisur me një qen që identifikon sasitë e mëdha të eurove. /G.F Opinion.al
