Anisa Kostani, një efektive e Policisë së Elbasanit, e cila është e njohur gjithashtu për një stilin e saj vanitoz në rrjetet sociale, ka reaguar pas ngjarjes së rëndë të një dite më parë në qytetin e Elbasanit.
Duke ju referuar artikujve të shkruar në media, nënkomisarja i drejtohet gazetarëve ndërsa i bën ata përgjegjës për një pasqyrim jo të drejtë të situatës me krimin në qytet.
Duke i cilësuar pseudogazetarë disa prej tyre, Kostani shprehet se shkrimet e tyre nuk janë aspak profesionale, por një inat personal, ndërsa pohon se policia në Elbasan nuk ka qenë asnjëherë kaq aktive sa sot.
Kujtojmë se Kostani është njohur gjithashtu në media për raportin e saj me kafshët dhe veçanerisht për faktin që mban në shtëpi një gjarpër./Opinion.al
