Policia e Shtetit njofton se vijon Plani-Operacional “ROADPOL GUSHT 2020”, i fokusuar kryesisht në drejtim të evidentimit dhe ndëshkimit kryesisht të parakalimeve të gabuara, drejtimit të mjetit nën efektin e alkoolit dhe në gjendje të dehur si dhe për shpejtësinë mbi normat e lejuara.
Si rrjedhim, nga vëzhgimi me forca të shtuara, dronë, radarë dhe patrulla, gjatë 48 orëve të fundit janë konstatuar, 1129 drejtues mjetesh për parakalime të gabuara dhe të rrezikshme për t’u përfshirë në ngjarje rrugore.
Po ashtu janë ndëshkuar 137 drejtues mjetesh që qarkullonin me shpejtësi mbi normat e lejuara duke ju pezulluar lejet e drejtimit, 19 drejtues mjetesh për gara shpejtësie e manovra të rrezikshme në rrugë dhe parakalime të gabuara me fushë pamje të kufizuar.
Si rezultat i kontrolleve të ushtruara me dragera janë arrestuar 9 drejtues mjetesh për drejtim mjeti në gjendje të dehur dhe janë pezulluar 49 leje drejtimi për drejtim mjeti nën efektin e alkoolit.
Gjithashtu gjatë kontrolleve janë evidentuar dhe proceduar penalisht për shkak të moshës, për drejtim mjeti pa leje drejtimi 11 adoleshentë (të moshës 17-18 vjeç).
Po gjatë ketij operacioni, 48 orët e fundit janë vendosur 412 masa për përdorim të celularit gjatë drejtimit të mjetit, 201 masa për mosvendosje të rripit të sigurimit, 73 masa për mosvendosje të kaskës mbrojtëse, 1987 masa për parkime të gabuara e shkelje të tjera./Opinion.al
