Reperi i njohur Noizy ka munguar në një prej koncerteve të tij në Austri pasi është ndaluar për disa orë nga policia austrike.
Shumë i dashur sidomos prej të rinjve, Noizy është mërzitur prej këtij fakti dhe u ka dhënë edhe një shpjegim fansave. Koncerti i Noizyt do të zhvillohej në Linz dy ditë më parë, menjëherë pas nisjes me aeroplanin privat nga aeroporti ndërkombëtar i Prishtinës.
Ka qenë vetë reperi i cili përmes një video në Facebook u ka kërkuar ndjesë fansave për anullimin e koncertit duke u shpjeguar edhe arsyet se përse ndodhi diçka e tillë.
