Një sasi prej 45 kg drogë e llojit kokainë është sekuestruar nga policia greke pasditen e djeshme në një shtëpi në Koropi.
Mediat greke shkruajnë se në pranga ka rënë shtetasi shqiptar Vaska Leka, 45 vjeç nga Fieri, pasi në banesën e tij, në një vend të krijuar posaçërisht në dhomën e kaldajës, u gjet e fshehur një sasi prej 45 kg kokainë.
Gjatë hetimeve janë gjetur 45 kilogramë e 167.3 gram kokainë, përfshirë 36 pako që kishin logo të ndryshme nga jashtë dhe brenda për të identifikuar sasitë në fjalë; pushkë ushtarake tip kallashnikov, pistoletë me 2 karikatorë dhe 149 fishekë të kalibrave të ndryshëm.
Shqiptari i arrestuar është dërguar në Prokurorinë Penale të Athinës për dhënien e dënimit./Opinion.al
