Autoritetet kanë angazhuar 200 efektivë policie për të arrestuar 24 persona të cilët janë pjesë e një bande prostitucioni dhe trafikut ndërkombëtar të drogës.
Mësohet se anëtarët e bandës kishin kontakt të vazhdueshëm me Shqipërinë, duke bashkëpunuar për veprimtaritë kriminale.
Operacioni u koordinua mes policisë së Milanos dhe Brescias, ndërkohë, urdhrat e arrestit janë dhënë nga gjyqtari hetues i gjykatës së Milanos, me kërkesë të drejtorisë lokale të antimafia, në bashkëpunim të ngushtë me prokurorinë publike të Monzës.
Sipas akuzave, të arrestuarit kryeninin trafik droge në territorin italian dhe zviceran. Arrestimet u kryen në provincat e Milanos, Brescia, Bergamo, Cremona, Lecco, Lodi, Mantua, Monza Brianza, Piacenza, Savona, Torino, Varese dhe Cosenza. Gjithashtu janë kryer 40 kontrolle për sekuestrimin e produkteve të veprimtarisë së trafikut të drogës.
