Oktoberfest ose e njohur ndryshe si festa e birrës që zhvillohet çdo tetor në Gjermani,mbledh turistë nga e gjithë bota të cilët konsumojnë birra pafund, dhe në fund të ditës janë aq të dehur sa nuk i mbajnë më këmbët. Edhe autoritetet gjatë kësaj feste janë më të angazhuara për të shmangur ndonjë incident të mundshëm.
Një turist amerikan është gjetur i shtrirë teksa nuk ndalonte së vjelli, dhe mbante një fëmijë në gjoks. Ai është pikasur fillimisht nga një person që ishte aty, i cili ka lajmëruar menjëherë autoritetet. Policia e ka marrë menjëherë fëmijën për ta larguar nga aty, pasi personi përgjegjës ishte aq i dehur sa nuk kishte fuqi t’i përgjigjej as pyetjeve të tyre.
