Bota

Policia braktis komisariatin, Trump paralajmëron dërgimin e ushtrisë  


Bëhu pjesë e Grupit Zyrtar të Opinion.al
>> KËTU <<
               Publikuar në : 16:30 - 13/06/20 |
Opi Nion

Është përkeqësuar situata në Seattle të Shteteve të Bashkuara, ku protestat kundër racizmit kanë hyrë në ditën e pestë. Qindra njerëz pushtuan dje pjesë të lagjes Capitol Hill, të cilën e quajnë tashmë zonë autonome. Kjo sepse policia braktisi komisariatin e saj pas shumë ditëve përleshje të dhunshme me protestuesit.

Benzinë zjarrit i hodhi  Presidenti Trump kur deklaroi se zona është marrë peng nga terroristë të brendshëm dhe se do të dërgojë trupa ushtarake për marrjen nen kontroll të saj. Kjo çoi në reagimin e autoriteteve lokale që i kërkuan të qëndrojë larg problemeve të brendshme kreut të Shtëpisë së Bardhë.

Në këtë situatë delikate, ku pjesa më e madhe e vendit ka shpërthyer në protesta pas vdekjes së George Floyd, Trump kishte vendosur të mbajë një tubim politik në Tulsa të Oklahomas pikërisht në ditën kur qyteti përkujton fundin e skllavërisë më 19 Qershor.

Pas kritikave që vërshuan shpejt, Trump vendosi të shtyjë tubimin më 20 Qershor, siç njoftoi në Tëitter. Juneteenth, siç quhet, është ditë e rëndësishme për Tulsan, pasi një shekull me parë në këtë qytet turmat e bardha masakruan komunitetin me ngjyrë, duke djegur shtëpi dhe biznese.

Pasi mohoi se caktimi i datës së tubimit në të njëjtën ditë me Juneteenth nuk ishte i qëllimshëm, Trump është akuzuar për injorancë, apo mungesë të njohurive mbi historinë. /Tv Klan

Pas