Policia ka zhvilluar një aksion në zonat e Dobraçit dhe Fushë Kuqes, ku janë vënë në pranga dy persona të shpallur në kërkim për llogari të SPAK.
Aksioni u koordinua nga Drejtoria e Forcës së Posaçme Operacionale, në varësi të Departamentit të Policisë Kriminale.
Mësohet se në kuadër të këtij operacioni janë arrestuar Ervin Merlika dhe Fred Xhixha. Elvin Merlika ishte shpallur në kërkim që prej vitit 2022 nga operacioni “Plumbi i Arte”.
Ai është i dyshuar për veprën penale të “Sigurimit të kushteve dhe mjeteve materiale për të kryer vrasje” në dëm të Indrit Dokles.
