Një aksident është regjistruar pasditen e sotme në rrugën nacionale Pogradec-Tiranë.
Në dalje të qytetit të Pogradecit, një makinë “Renault” dhe një “Benz” janë përplasur duke shkaktuar plagosjen e 3 personave.
Policia njofton se janë dëmtuar dy drejtuesit e mjeteve Adrian Haxhi, 45 vjeç dhe Martin Hamzallari, 32 vjeç, të dy banues në Pogradec. E lënduar ka mbetur edhe shtetasja S.K., 52 vjeçe, pasagjere në mjetin tip “Renault”.
Ata u dërguan në Spitalin e Pogradecit ku ndodhen jashtë rrezikut për jetën.
Grupi hetimor po punon për zbardhjen e rrethanave dhe shkaqeve të aksidentit. /Opinion.al
