Një 44-vjeçar ka humbur jetën sot në fshatin Udënisht, Pogradec, në liqenin e Ohrit.
Policia bën me dije se viktima është shtetasi J. S., 44 vjeç, nga Shkupi i Maqedonisë së Veriut, i cili në momentin që është futur në liqen për t’u larë ka ndërruar jetë.
Nga këqyrja paraprake e trupit të viktimës, nuk u konstatuan shenja dhune dhe dyshohet se ky shtetas mund të ketë ndërruar jetë si pasojë e arrestit kardiak.
Grupi hetimor po punon për zbardhjen e plotë të rrethanave dhe përcaktimin e shkakut të humbjes së jetës./Opinion.al
