Gjatë javës së kaluar mediet spanjolle kishin raportuar se interesi i supozuar i presidentit të Barcelona-s Bartomeu ishte sa për të marrë votat, pasi në atë kohë ishte në prag të zgjedhjeve presidenciale të klubit. Tashmë drejtori i ri sportiv Ariedo Braida pranon se francezi nuk ka qenë asnjëherë një objektiv serioz për katalanasit.
“Tashmë që është kryer transferimi i tij, duke parë dhe shumën që duhej për të bindur Juventus, kuptohet përse ne nuk e kemi marrë atë. Por kualiteti i Paul Pogba nuk vihet në dyshim,” shprehet Braida kundrejt Gazzetta dello Sport. Paul Pogba është transferuar nga Juve te United për 105 milionë euro, duke u bërë kështu lojtari më i shtrenjtë në historinë e futbollit.
