Policia ka proceduar penalisht një 34-vjeçar në Sarandë, pasi u kap ‘mat’ duke transportuar elektroshtëpiake të kontrabanduara me vlerë 1.5 mln lekë.
Uniformat blu bëjnë me dije se gjetën pa fatura shoqëruese dhe sekuestruan në cilësinë e provës materiale, 328 pajisje elektroshtëpiake, me vlerë rreth 1 500 000 Lekë, të cilat dyshohet se janë të kontrabanduara.
“Si rezultat i administrimit të informacioneve të siguruara nga inteligjenca policore, se 1 person po transportonte nga Tirana në Sarandë, mallra të kontrabanduara, me qëllim shitjen, specialistët e Seksionit për Hetimin e Krimeve Ekonomike dhe Financiare të Komisariatit të Policisë Sarandë goditën këtë rast paligjshmërie.
Në vijim të veprimeve procedurale, u referuan materialet në Prokurori ku nisi procedimi në gjendje të lirë për shtetasin N. A., 34 vjeç, banues në Tiranë.
Nga kontrolli në automjetin tip “Benz” që drejtonte 34-vjeçari, shërbimet e Policisë gjetën pa fatura shoqëruese dhe sekuestruan në cilësinë e provës materiale, 328 pajisje elektroshtëpiake, me vlerë rreth 1 500 000 Lekë, të cilat dyshohet se janë të kontrabanduara dhe se po transportoheshin me qëllim shitjen me pakicë, në qytetin e Sarandës”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme./Opinion.al
