Nga Drini ZEQO
Hije dyshimi që prekin të gjithë në grabitjen e ndodhur në aeroportin e vetëm civil që ka Shqipëria. Imagjinoni të kishim më shumë se një aeroport civil ku të lëviznin pasagjerë apo më mirë të themi imagjinoni se çfare ndodh në pikat e tjera të kalimit kufitar ku siguria është më modeste ndonëse fluksi i hyrje daljeve është rritur, sidomos gjatë stinës së nxehtë.
Nga grabitesët nuk asnjë shenjë në horizont, edhe disa fije floku të gjetura tek parukja e njërit prej grabitësve për të cilën u tha se do të behej një analize AND-je edhe ajo u harrua. Policia vijon të insistojë se nuk është njoftuar në kohë dhe se ajo që ndodhi në pistë nuk ishtë brenda territorit të kompetencave të saj por e ICTS-së.
Më tëj ministri Tahiri kërkon të rishikohet marrëveshja koncesionare. Sepse në Shqipëri sipas një “tradite” të krijuar, në fillim duhet të ndodhë ngjarja pastaj të merren masat. Vetë aeroporti qysh në fillim u pozicionua duke ja kaluar mosreagimit të policisë përgjesinë për atë që ndodhi. Madje deklaratat e policisë u quajtën “më së paku” të pasakta dukë lënë hije të forta dyshimesh se ato ishin të qëllimta.
Tashmë pikëpyetjet sa vijnë edhe shtohen. Firmat e sigurisë private, që zakonisht kontraktohen nga bankat për transporitin e vlerave monetare shihen me një sy skeptik. Pyetja që shtrohet më shpesh gjatë këtyre ditëve (ku kjo histori edhe për pak do jetë harruar e do tregohet e kujtohet vetëm kur të kalojmë nga Rinasi si pasagjerë) është si ka mundësi që shuma prej miliona eruosh të transportohen me kaq pak elementë sigurie dhe kryesisht nga automjete tejet të amortizuara. Kujtojmë deklaratën e bërë në emisionin ‘OPINION’ të gazetarit Artan Hoxha cili ngrinte shqëtësimin për makinat shumë të vjetëruara që bëjnë këtë lloj transporti apo për njerëz që paguhen maksimumi deri në 20 mijë lek.
Por të tjera argumenta kanë të bëjnë me shumë elementë që nuk ishin aplikuar apo që do duhej të aplikoheshin. Në rastet e vjedhjeve, autoritetet policore mund të kenë mundësi të gjurmojnë paratë e vjedhura. Ne thasët më para mund të ishin vendosur “GPS” në mënyrë që të paktën të krijohej një panoramë për lëvizjen e tyre. Këto mjete shumë të vogla vendosen në brendësi të thasëve dhe janë të padukshme nga hajdutët. Paratë mund të ishin vendosur nëpër kuti më kode të cilat të ishin të aksesueshme vetëm nga banka dhe askush tjetër. Nuk dihet nëse janë regjistruar numrat serialë të parave dhe a janë derguar ato nëper banka në mënyrë që askush të mos këtë mundësi t’i depozitiojë.
Shpenzimet e bankës janë minimale për këto lloj shërbimesh ndërkohë që bankat si institucione, i kanë të gjitha mundësitë për të justifikuar një rritje të tyre (shpenzimeve) në këmbim të marrjes së një shërbimi më të sigurtë e më cilësor. Në këtë rast ngrëmë dy pyetje të tjera.
Janë të paafta kompanitë private të cilat rrëmbehen nga grabitësit apo bankat nuk u kanë kushtuar rëndësinë e duhur këtyre transfertave kaq delikate miliona euroshe. Bankat në Shqipëri pavarësisht se gjatë viteve të fundit janë pajisur më sisteme vëzhgimi të sofistikuara kanë dështuar tek rojet e sigurisë që vendosin në dyert e jashtme ku dukshëm shohim punonjës të policisë private të cilët më shumë duken si njërëz qe të ndihmojnë të parkosh makinën se sa si efektivë privatë që duhet të të krijojnë garanci për jetën në raste sulmi.
Kjo është një pikë që nuk i takon vetëm bankave por edhe një kontrolli më të imtësishëm nga strukturat qeveritare sepse ata nuk ruajnë vetëm bankën por edhe jetën e punonjësve të saj dhe klientëve në rast grabitjesh.
Nga Drini ZEQO, Redaktor pergjegjës, emisioni OPINION, TV KLAN
